គ្រាន់តែអានអត្ថបទនេះចប់ អ្នកក្លាយជាអ្នកមានភ្លាម!

តើអ្វីទៅជាទ្រព្យសម្បត្តិដ៏ធំបំផុតរបស់មនុស្ស?

ខ្ញុំសូមនិទានរឿងមួយ៖ ថ្ងៃមួយមានបរុសអ្នកក្រម្នាក់ ចង់ក្លាយជាអ្នកមាន ហើយគាត់បានសុំចូលជួបសេដ្ឋីម្នាក់ដែលបានល្បីថាសេដ្ឋីម្នាក់នោះពិតជាបានជួយមនុស្សជាច្រើនឲ្យក្លាយជាអ្នកមាន។ បុរសអ្នកក្របានសួរថា តើខ្ញុំធ្វើដូចម្តេចទើបអាចក្លាយជាអ្នកមានយ៉ាងងាយស្រួលបាន? សេដ្ឋីបានតមថា មានវិធីមួយដែលអាចជួយអ្នកឲ្យក្លាយជាអ្នកយ៉ាងស្រួលបាន ដោយខ្ញុំស្ម័គ្រចិត្តប្រគល់លុយ៥០%របស់ខ្ញុំដល់អ្នក តែខ្ញុំត្រូវការរបស់ម្យ៉ាងពីអ្នក។ បុរសអ្នកក្របានសួរថា តើជាអ្វីទៅ? សេដ្ឋីតប គឺដៃទាំងពីររបស់អ្នក។ រួចសេដ្ឋីបានសួរបន្តថា តើអ្នកព្រមទេ? ឬក៏ខ្ញុំប្រគល់លុយ៧៥%របស់ខ្ញុំដល់អ្នក តែខ្ញុំត្រូវដៃទាំងពីរ និងជើងទាំងពីររបស់អ្នក។ តើអ្នកព្រមទេ? ឬក៏ខ្ញុំប្រគល់លុយ១០០%ដល់អ្នក តែខ្ញុំត្រូវការដៃទាំងពីរ  រួមទាំងជើងទាំងពីរ ថែមទាំងភ្នែកទាំងពីររបស់អ្នក។ តើអ្នកព្រមទេ?

តើអ្វីទៅគំនិតអប់រំនៅក្នុងរឿងនេះ? គំនិតអប់រំនៅក្នុងរឿងនេះគឺថា មនុស្សយើងភាគច្រើនសុទ្ធតែមានទ្រព្យសម្បត្តិយ៉ាងច្រើនជាប់នៅនឹងខ្លួន ដូចជាអាវៈយវៈ ខួរក្បាល ជីវិតជាដើម  ប៉ុន្តែគ្រាន់តែយើងមិនទាន់ចេះកែច្នៃប៉ុណ្ណោះ ឬកែច្នៃមិនទាន់បានល្អ អញ្ជឹងអ្វីដែលសំខាន់ពេលនេះគឺត្រូវរៀនពីរបៀបកែច្នៃ  ដើម្បីឲ្យទ្រព្យរបស់យើងកាន់តែមានតម្លៃទៅតាមអ្វីដែលយើងចង់បាន។

តើអ្នកបានមើលឃើញថាអ្នកគឺជាអ្នកមានហើយរឺនៅ?