ជីវិត នឹងសេចក្តីស្លាប់

ជីវិត នឹងសេចក្តីស្លាប់

មនុស្សម្នាក់ៗដែលបានកើតមកនឹងបាននរស់នៅគឺពិតជាសំណាងណាស់។ ជីវិតមួយហ្នឹងអាចកើតមកដោយសារមានការរៀបចំពីអ្វីៗ ឬពីព្រះដើម្បីអោយឲ្យយើងមកបំពេញអ្វីៗយ៉ាងតិចក៏មួយដែរ នៅក្នុងអំឡុងពេលមានជីវិត និងក្រោយបាត់បង់ជីវិត។ ចុះបើពិតជាមានអ្វីមួយ ឬព្រះបានរៀបចំឲ្យយើងម្នាក់ៗមកមានជីវិតរស់នៅលើផែនដីនេះមែន ថាតើអ្វីៗនឹង ឬព្រះបានរៀបចំឲ្យយើងមានជីវិតដើម្បីអ្វី? តើធ្វើដូចម្តេចបានយើងម្នាក់ៗអាចដឹងច្បាស់ថា តើអ្វីទៅគោលបំណងពិតនៃអ្នកបង្កើតយើងឲ្យមានជីវិតមួយនេះហ្នឹង? តើអ្នកណាដែលកំពុងមានជីវិតរស់នៅលើផែនដីនេះអាចប្រាប់យើងបានថាតើអ្វីៗឬព្រះដែលបានរៀបចំយើងហ្នឹងពិតជាមានបំណងឬព្រះបំណងចង់ឲ្យយើងបំពេញអ្វីពិត? 

ខ្ញុំផ្ទាល់បានរស់នៅរហូតមកដល់ពេលនេះ គឺនៅមិនទាន់ពិតប្រាកដនៅឡើយទេ តែខ្ញុំបានរៀបចំគោលដៅជីវិត ក្តីសិបិន្តជីវិត និងបេសកកម្មជីវិតផ្ទាល់ខ្លួនដើម្បីខ្លួនឯង គ្រួសារខ្លួនឯង និងដើម្បីមនុស្សក្នុងជំនាន់នេះនឹងជំនាន់ក្រោយ។

មនុស្សយើងម្នាក់ៗដែលបានបន្តជីវិតរស់នៅមកដល់ពេលនេះ គឺពិតជាបានធ្វើ និងទទូលបានសេចក្តីលំបាក និងសេចក្តីសុខជាច្រើនមកហើយ។ តែគ្រាន់ថាមួយណាច្រើនជាង នឹងមួយណាតិចជាងប៉ុណ្ណោះ។  

មនុស្សយើងម្នាក់ៗគឺពិបាកស្វែងដឹងពីគោលបំណង ឬព្រះបំណងនៃអ្វីឬព្រះដែលបានរៀបចំជិវិតយើងឲ្យមកមានវត្តមានពេលនេះណាស់ តែយើងអាចដឹងពីគោលដៅពិត ក្តីសុបិន្ត និងបេសកកម្មពិតរបស់យើងក្នុងការរស់នៅ និងក្រោយពេលលែងបានបន្តជីវិតមួយនេះរស់នៅបាន។

តើធ្វើដូចម្តេចទើបបានដឹងថាអ្វីទៅជាគោលដៅជីវិត ក្តីសុបិន្តជីវិត និងបេសកកម្មជីវិតពិតរបស់យើង?

ដំបូងយើងគួរតែច្បាស់ពីនិយមន័យពី គោលដៅ ក្តីសុបិន្ត បេសកកម្ម និងជីវិតសិន។

លោកគ្រូសៀវ សុផល និងលោកគ្រូ រ៉ូបឺត គីយូសាគីបានមានប្រសាសន៍ថា

” គោលដៅ គឺជាការកំណត់ដើម្បីបង្កើតលុយ ឯក្តីសុបិន្តគឺជាការប្រើលុយដែលបានពីគោលដៅទៅទិញសេចក្តីសុខនៃជីវិត”

ចំពោះបេសកកម្មគឺជាអ្វីដែលត្រូវបំពេញក្នុងជីវិតដែលរួមគ្នារវាងគោលដៅនិងក្តីសុបិន្តពិត ឯជីវិតគឺជាការរស់នៅ(ដោយខ្ញុំផ្ទាល់)។

អញ្ជឹងគោលដៅជីវិត គឺជាការកំណត់ដើម្បីបង្កើតលុយសម្រាប់ការរស់នៅ ឯក្តីសុបិន្តជីវិតគឺជាប្រើលុយដែលបានពីគោលដៅទៅទិញអ្វីៗដើម្បីបង្កើត និងបង្កើនសេចក្តីសុខនិងផ្តល់សុភមង្គលពិតសម្រាប់ជីវិត ចំពោះបេសកកម្មជីវិតគឺជាភារៈកិច្ចក្នុងការបំពេញសម្រាប់ជួយខ្លួនឯងនឹងអ្នកដទៃនៅក្នុងជីវិត។

*ក្រោយពេលអ្នកស្លាប់ទៅតើអ្នកចង់ឲ្យអ្នកដទៃស្គាល់ថាអ្នកជាមនុស្សបែបណា?

*តើអ្នកតាំងចិត្តថានឹងបន្សល់ទុកចំនុចល្អៗអ្វីខ្លះជួនមនុស្សក្នុងជំនាន់អ្នក និងមនុស្សជំនាន់ក្រោយអ្នក?

*ក្នុងអំឡុងពេលអ្នកនៅមានជីវិតរស់នៅតើសេចក្តីសុខបែបណាដែលអ្នកចង់បាន?

*ដើម្បីទទូលបានសេចក្តីសុខឬសុភមង្គលបែបហ្នឹងតើអ្នកត្រូវធ្វើដូចម្តេច?

ពេលវេលា និងជីវិត គឺមិនរង់ចាំយើងទេ ចូរចាប់ផ្តើមធ្វើអ្វីដែលត្រូវធ្វើពេលនេះ៕