របៀបអនុវត្តដើម្បីមានឥទ្ធិពលលើមនុស្សគឺត្រូវជៀសវៀងកំហុសសាមញ្ញទាំង៥នេះ

របៀបអនុវត្តដើម្បីមានឥទ្ធិពលលើមនុស្សគឺត្រូវជៀសវៀងកំហុសសាមញ្ញទាំង៥នេះ

កំហុសជាទូទៅទាំងប្រាំដែលអ្នកលក់ធ្វើនៅក្នុងសន្ទនានៃការលក់ដែលអាចរារាំងឬបំផ្លាញការលក់សូម្បីតែអតិថិជនសក្តានុពលបំផុតក៏ដោយ។ ប្រសិនបើអ្នកចង់ដឹងពីរបៀបដើម្បីមានឥទ្ធិពលលើមនុស្ស។ វានេះគឺមានសារៈសំខាន់ក្នុងការបង្កើនឥទ្ធិពលនេះ។

របៀបនិយាយ តែមិនមែនជាការជជែកវែកញែកទេ

 ទីមួយ នៅពេលអ្នកជជែកវែកញែកជាមួយអតិថិជន មានន័យថាអ្នកបានកំពុងប្រាក់ពួកគាត់ដោយប្រយោលថាពួកគាត់ខុស ឬគំនិតរបស់ពួកគាត់ខុស។ មនុស្សស្អប់ការប្រាប់ថាពួកគេខុស ជាពិសេសក្នុងពេលជាក់ស្តែងណានោះ។  ពួកគេមិនចូលចិត្តអ្នកដែលចង្អុលពីកំហុសរបស់ពួកគេទេ។

អញ្ជឹងអ្នកត្រូវរៀនពីរបៀបនិយាយតាមរបៀបដែលសមរម្យក្នុងកំឡុងពេលសន្ទនាការលក់។ ប្រសិនបើអតិថិជនប្រឈមឬដេញដោលពីផលិតផលរបស់អ្នក ចូរប្រើប្រាស់វិធីសាស្ត្រ "ការមានអារម្មណ៍ ដែលមានអារម្មណ៍  ហើយនិងការនឹងមានអារម្មណ៍"ដោយនិយាយថា"ខ្ញុំយល់ពីរបៀបដែលធ្វើឲ្យអ្នកមានអារម្មណ៍បែបនេះ........" ប៉ុន្តែនេះគឺជាអ្វីដែលពួកគាត់បានមានអារម្មណ៍នៅពេលដែលពួកគាត់បានចាប់ផ្តើមប្រើវា។ "។

"ការមិនប្រកែកវែកញែកនេះគឺជាបច្ចេកទេសលក់ដ៏សាមញ្ញមួយសម្រាប់អ្នក"

ការងាររបស់អ្នកគឺយកឈ្នះចិត្តអតិថិជន មិនមែនយកឈ្នះការប្រកែកវែកញែកជាមួយអតិថិជននោះទេ។ ទោះជាអតិថិជនសួរពីភាពស្មោះត្រងនៃក្រុមហ៊ុនរបស់អ្នកឬគុណភាពនៃផលិផលរបស់អ្នកក៏ដោយ សូមធ្វើអារម្មណ៍ឲ្យល្អ ហើយគ្រាន់តែត្រូវផ្តោតសំខាន់ទៅលើអត្ថប្រយោជន៍របស់ផលិផលរបស់អ្នកក្នុងការជួយដល់អតិថិជនរបស់អ្នកទៅបានហើយ ឯរឿងផ្សេងមិនបាច់សូវផ្តោតទេ។

ជឿជាក់​លើ​ខ្លួនឯង

កំហុសទី 2ដែលអ្នកលក់ធ្វើគឺការមិនមានការជំនឿលើខ្លួនឯង។ រាល់អ្នកលក់ដែលល្អបំផុតគឺមានអាកប្បកិរិយាស្ងប់ស្ងាត់ មានទំនុបចិត្ត និងការរំពឹងទុកដោយវិជ្ជមាន។ ពួកគេមានអារម្មណ៍ល្អចំពោះខ្លួនឯង ហើយពួកគេមានជំនឿយ៉ាងស្ងប់ស្ងាត់ថាអ្វីគ្រប់យ៉ាងដែលពួកគេកំពុងធ្វើគឺជាការរួមចំណែកចំពោះភាពជោគជ័យជាមិនខាន់ឡើយ។ ពួកគេមានអារម្មណ៍ធូរស្រាល និងល្អចំពោះជីវិតនិងអាជីពរបស់ពួកគេ។ ពួកគេដឹងពីរបៀបក្នុងការបិទការលក់។ ជាញឹកញាប់អតិថិជនរបស់ពួកគេសម្រេចចិត្តទិញពីពួកគេ សូម្បីតែមុនពេលពួកគេធ្វើបទបង្ហាញការលក់ឬក៏ពិពណ៌នាអំពីផលិតផលឬសេវាកម្មរបស់ពួកគេក៏មានផងដែរ។

ដើម្បីរៀនពីរបៀបមានឥទ្ធិពលលើមនុស្សនោះគឺអ្នកត្រូវតែអភិវឌ្ឍអាកប្បកិរិយានិងគុណលក្ខណៈឲ្យដូចអ្នកលក់ដែលទទូលបានជោគជ័យនៃការលក់នៅគ្រប់ទីកន្លែង។

ជាញឹកញាប់តិចនិចមួយដ៏មានថាមពលបំផុតនៃការលក់ដែលអ្នកអាចមាននោះគឺជាភាពរឹងមាំនៃការជឿជាក់លើខ្លួនឯង។

ចំណុច​នៃ​ទិដ្ឋភាព

កំហុសសាមញ្ញទីបីដែលអ្នកលក់ភាគច្រើនធ្វើគឺជាការអសមត្ថភាពក្នុងការភ្ជាប់ជាមួយអតិថិជន។ អាកប្បកិរិយាគឺជាការបញ្ជាក់ពីអារម្មណ៍១០០%នូវរាល់ការនិយាយ ឬការធ្វើ។ រាល់ការសម្រេចចិត្តគឺជាការកំណត់ដោយអារម្មណ៍របស់អ្នក។ ដូច្នេះដើម្បីរៀនពីរបៀបសាងឥទ្ធិពលទៅលើមនុស្សអ្នកត្រូវតែយល់ពីទស្សនៈឬ​ទិដ្ឋភាពរបស់ពួកគេ និងទំនាក់ទំនងជាមួយនឹងអ្វីដែលធ្វើឲ្យពួកគេមានអារម្មណ៍ដ៏រឹងមាំហ្នឹង។

អញ្ជឹងអ្នកត្រូវតែអភិវឌ្ឍន៍កម្រិតនៃការយល់ចិត្តឲ្យបានខ្ពស់ដែលជួយឲ្យអ្នកអាចយកការគិតរបស់អតិថិជន និងបេះដូងរបស់អតិថិជនមកដាក់ក្នុងខ្លួនអ្នកបាន ឬក៏អាចយកគំនិតរបស់អ្នក បេះដូងរបស់អ្នកទៅដាក់ក្នុងខ្លួនរបស់អតិថិជនបាន។ ដូចនេះអ្នកអាចមានឥទ្ធិពលលើទង្វើរនិងអាប្បកិរិយារបស់ពួកគាត់បាន។ ផងដែរនោះអ្នកត្រូវតែមានជំនាញនៃការស្តាប់យ៉ាងជិតស្និទបំផុត។ អ្នកត្រូវតែស្តាប់អតិថិជនរបស់អ្នកដោយយកចិត្តទុកដាក់បំផុតរាល់គ្រប់ពាក្យ គ្រប់ឃ្លា។​ ចូរចាំថាការស្តាប់គឺជាការសាងភាពជឿជាក់ និងការសាងក្រេឌីត។ អ្នកគួរតែរកវិធីសាស្ត្រសមស្របក្នុងការសួរសំនួរដោយឲ្យអតិថិជនឆ្លើយឬនិយាយពីតម្រូវការដោយជំនួសការនិយាយរៀបរាប់ដោយអ្នក។

ប្រាប់​ការពិត

កំហុសទីបួនដែលត្រូវជៀសវាងគឺការលក់អួតលើសជ្រុស។ បើអ្នកនិយាយអួតពីគុណប្រយោជន៍ដែលផលិតផលរបស់អ្នកអាចជួយពួកគាត់លើសពីការពិតនោះវាអាចធ្វើឲ្យអ្នកត្រូវបានអស់ជំនឿពីពួកគាត់។

"អតិថិជនទិញពីអ្នកគឺដោយសារតែពួកគាត់ជឿជាក់លើអ្នក ឬក្រុមហ៊ុនរបស់អ្នក"

ការពិតផងដែរ អ្នកគូរតែនិយាយពីបទពិសោធន៍របស់អតិថិជនចាស់ៗរបស់អ្នកប្រាប់អតិថិជនថ្មីដើម្បីបង្កើនទំនុបចិត្តផងដែរ។

កុំភ័យខ្លាច

កំហុសទីប្រាំដែលត្រូវជៀសវាងគឺការភ័យខ្លាចនៃការបដិសេធ។ មនុស្សដែលភ័យខ្លាចការបដិសេធនឹងមានការព្រួយបារម្ភហួសហេតុ ដែលនឹងធ្វើអតិថិជនខកចិត្តព្រមទាំងបញ្ចប់ការលក់ផងដែរ។

អ្នកលក់កំពូលៗមានគុណសម្បត្តិពីរយ៉ាង គឺការយល់ចិត្តហើយនិងមានមហិច្ឆតា។ គុណភាពនៃការយល់ចិត្តបានបណ្តាលឱ្យពួកគេងាយនឹងទទូលចាប់់អារម្មណ៍ល្អបំផុតពីអតិថិជន។ គុណភាពនៃមហិច្ឆតានាំឱ្យពួកគេផ្តោតលើការធ្វើឱ្យការលក់។ ហើយពួកគេគ្រប់គ្រងក្នុងការរក្សាគុណសម្បត្ដិទាំងពីរនេះឱ្យមានតុល្យភាព។ទាំងនេះគឺជាការគ្រប់គ្រងការព្រួយបារម្មណ៍ចំពោះអតិថិជន និងការព្រួយបារម្មណ៍ចំពោះការលក់។

អ្នកត្រូវជៀសវៀងកំហុសសាមញ្ញទាំង៥នេះដើម្បីឲ្យមានសមត្ថភាពពេញលេញក្នុងការមានឥទ្ធិពលលើមនុស្ស។

ប្រភពដកស្រង់ៈ លោកគ្រូ Brian Tracy