ច្បាប់20 80

 

ច្បាប់20 80 

Brian tracy:

ច្បាប់20/80 គឺជាច្បាប់ដែលមានប្រយោជន៍បំផុតសម្រាប់ការគ្រប់គ្រងជីវិត និងពេលវេលា។

មុនពេលអ្នកចាប់ផ្តើមការងារអ្វីមួយ អ្នកត្រូវសួរខ្លួនឯងថា "តើភារកិច្ចនេះខ្ញុំធ្វើតែ20% ហើយទទូលបានលទ្ធផល80%ដែលឬទេ?

ក្នុងករណីនេះអ្នកគួរតែផ្លាស់ប្តូរវិធីក្នុងការកំណត់គោលដៅជារៀងរហូត។

តើអ្វីទៅជាច្បាប់20/80?

ដូចអ្វីដែលខ្ញុំទើបតែបានរៀបរាប់ពីច្បាប់នេះ គឺច្បាប់នេះគេហៅថា"គោលការណ៍ Pareto"។ វាត្រូវបានគេដាក់ឈ្មោះតាមស្ថាបនិដែលជាសេដ្ឋវិទូអ៊ីតាលីឈ្មោះ Vilfredo Paretoកាលពីឆ្នាំ 1895 ។

ក្រោយមកទៀតគាត់បានរកឃើញថា ស្ ទើរតែគ្រប់សកម្មភាពក្នុងសេដ្ឋកិច្ចទាំងអស់សុទ្ធតែស្ថិតនៅក្រោមគោលការណ៍នេះ ព្រោះថា80 ភាគរយនៃទ្រព្យសម្បត្តិក្នុងប្រទេសអ៊ីតាលីក្នុងអំឡុងពេលនោះ ត្រូវបានគ្រប់គ្រងដោយ មនុស្ស20 ភាគរយនៃប្រជាជនទាំងអស់។

យើងអាចទទូលគោលការណ៍Pareto ច្បាប់20/80 បាន ហើយអាចអនុវត្តវាបានស្ទើរតែគ្រប់ស្ថានភាពទាំងអស់។  ការយល់ពីគោលការណ៍នេះ គឺមានសារៈសំខាន់ក្នុងការរៀនពីរបៀបកំណត់អាទិភាពភារកិច្ច ប្រចាំថ្ងៃ ប្រចាំសប្តាហ៍ និងប្រចាំខែរបស់អ្នក។ ជាពិសេស យើងអាចអនុវត្តវាក្នុងការកំណត់គោលដៅ និងផលិតភាព។

តើ​វា​ដំណើរការ​យ៉ាង​ដូចម្តេច?

ប្រសិនបើអ្នកមានបញ្ជីឈ្មោះផលិតផលចំនួន10ដែលអ្នកត្រូវធ្វើអោយសម្រេច នោះមានផលិតផល2ក្នុងចំនោម10 នឹងមានគុណតម្លៃជាងផលិតផលទាំង8នោះរួមបញ្ចូលគ្នាទៅទៀត។ ការពិតគួរឱ្យសោកស្តាយ គឺថាមនុស្សភាគច្រើនបានពន្យាពេលក្នុងការស្ថិតនៅលើកំពូលនៃ10% ឬ 20%នៃផលិតផលដែលមានគុណតម្លៃបំផុត និងសំខាន់បំផុត។

របៀបនៃការអនុវត្តន៍ច្បាប់80/20 ក្នុងការកំណត់គោលដៅ

នេះជាអ្វីដែលអ្នកគួរធ្វើ ដើម្បីអនុវត្តច្បាប់ 20/80 យ៉ាងមានប្រសិទ្ធភាពចំពោះការកំណត់គោលដៅ និងផលិតភាពជាទូទៅរបស់អ្នក។

ដំបូងយកក្រដាសមក ហើយសរសេរគោលដៅទាំង10របស់អ្នក។ បន្ទាប់មកសួរខ្លួនឯងថាៈ បើខ្ញុំអាចសម្រេចបានគោលដៅតែមួយ ក្នុងចំណោមគោលដៅទាំងអស់នៅថ្ងៃនេះ តើគោលដៅមួយណានឹងមានឥទ្ធិពលវិជ្ជមានបំផុតសម្រាប់ជីវិតខ្ញុំ?

បន្ទាប់មក ចូរជ្រើសយកគោលដៅសំខាន់ទីពីរ ហើយបន្ទាប់ពីអ្នកបានបញ្ចប់លំហាត់នេះ អ្នកនឹងកំណត់បាន20%នៃគោលដៅដ៏សំខាន់របស់អ្នក ដែលវានឹងជួយអ្នកយ៉ាងច្រើនលើសពិអ្វីផ្សេងៗទៀត។

អ្នកគួរតែបន្តអនុវត្តទៅលើគោលដៅទាំងនោះ ដែលអ្នកបានជ្រើសរើសដោយផ្តោតលើគុណតម្លៃបំផុតគ្រប់ពេលវេលា។

បរិភោគកង្កែបធំបំផុតមុន

ជាញឹកញាប់ អ្នកឃើញមនុស្សដែលរវល់ពេញមួយថ្ងៃ ប៉ុន្ដែមើលទៅដូចជាមិនសូវជោគជ័យអ្វីនោះទេ។ នេះស្ទើរភាគច្រើនទៅហើយ ព្រោះតែការជាប់រវល់ធ្វើការងារដែលពុំសូវមានគុណតម្លៃ ក្នុងគ្រាដែលពួកគេកំពុងពន្យារពេលទៅលើសកម្មភាពមួយ ឬពីរដែលអាចធ្វើឱ្យមានភាពខុសគ្នាពិតប្រាកដចំពោះក្រុមហ៊ុន និងអាជីពរបស់ពួកគេ។

ភារកិច្ចដ៏មានតំលៃបំផុតដែលអ្នកអាចធ្វើរាល់ថ្ងៃ គឺពិបាក និងស្មុគស្មាញបំផុត ប៉ុន្តែលទ្ធផល និងរង្វាន់អាចមានភាពអស្ចារ្យ។

ច្បាប់នេះគឺសម្រាប់ៈ ទប់ទល់នឹងការល្បួងដើម្បីជម្រះចោលនូវរឿងតូចៗជាមុនសិន។

ប្រសិនជាអ្នកចាប់ផ្តើមធ្វើការលើកិច្ចការដែលមានគុណតម្លៃទាប នោះក្នុងពេលឆាប់ៗអ្នកនឹងមានទំលាប់ក្នុងការធ្វើការអ្វីដែលមានគុណតម្លៃទាប។

តែងតែធ្វើការឆ្ពោះទៅគោលដៅសំខាន់

ចុងបញ្ចប់ខ្ញុំចង់ប្រាប់អ្នក អំពីការសិក្សាដែលទើបតែបានបញ្ជាក់អំពីអាកប្បកិរិយារបស់អ្នកមាន ដែលផ្ទុយគ្នា នឹងអ្នកក្រនោះ គឺចំពោះការកំណត់គោលដៅ។

 85%នៃអ្នកមាន គឺមានគោលដៅដ៏ធំមួយដែលពួកគេបានធ្វើវាគ្រប់ពេលវេលា។

ដូច្នេះប្រសិនបើអ្នកចង់ក្លាយជាអ្នកមាន ចូរធ្វើអ្វីដែលមនុស្សអ្នកមានធ្វើ។ ជ្រើសរើសគោលដៅដ៏ធំមួយ ហើយធ្វើវាគ្រប់ពេលវេលា នោះវានឹងផ្លាស់ប្តូរជីវិតរបស់អ្នក។

"នៅពេលដែលគោលដៅរបស់អ្នកច្បាស់លាស់ នោះអ្នកនឹងមានចម្លើយពិតប្រាកដ ក្នុងពេលវេលាដ៏ពិតប្រាកដដែរ"។

ប្រភពៈ briantracy.com