របៀបសាងភាពល្អឥតខ្ចោះគឺពិតជាអាចប៉ះពាល់ដល់អាជីវកម្មរបស់អ្នក

របៀបសាងភាពល្អឥតខ្ចោះគឺពិតជាអាចប៉ះពាល់ដល់អាជីវកម្មរបស់អ្នក

បញ្ហាដ៏គួរឱ្យព្រួយបារម្ភបំផុតក្នុងជីវិតគឺភាពល្អឥតខ្ចោះ។ ទោះបីជាភាពល្អឥតខ្ចោះនេះហាក់ដូចជារឿងល្អក៏ដោយតែប្រសិនបើអ្នកជាមនុស្សល្អឥតខ្ចោះនៅកន្លែងធ្វើការ នោះអ្នកពិតជាបានសម្លាប់ថាមពលវិជ្ជមានរបស់អ្នកហើយ។ ភាពល្អឥតខ្ចោះនៅកន្លែងធ្វើការនាំឱ្យមានវប្បធម៌ហត់នឿយដែលប៉ះពាល់ដល់អារម្មណ៍និងសុខភាព។ នេះជាបញ្ហាដែលត្រូវដោះស្រាយ។

ចូរធ្វើខ្លួនជាមនុស្សដែលមិនល្អឥតខ្ជោះ ទោះបីជាអ្នកជាមនុស្សដែលល្អឥតខ្ជោះក៏ដោយ

T.Harv EKer: សូមឱ្យខ្ញុំនិយាយពីខ្លួនឯងនិងនិស្សិតជាច្រើនរបស់ខ្ញុំ ហើយបន្ទាប់មកអ្នកអាចឃើញថាតើអ្នកសមនឹងការពិពណ៌នានេះឬយ៉ាងណា។ យ៉ាងណាមិញការយល់ដឹងពីរបៀបដើម្បីបានភាពល្អឥតខ្ចោះមានន័យថាការយល់ដឹងថាតើអ្នកមកពីណា។ សិស្សជាច្រើនរបស់ខ្ញុំ និងខ្ញុំបានទទួលភាពឥតខ្ចោះពីកន្លែងដែលមានការរិះគន់ខ្លាំង ឬពឹងផ្អែកលើការយល់ព្រមពីអ្នកដទៃ កាលយើងនៅក្មេងនោះ។

ប្រសិនបើអ្នកក្រឡេកមើលកត្តាទាំងពីរនោះអ្នកអាចសួរថា "តើឪពុកម្តាយ គ្រូបង្រៀនចាស់ទុំ បងប្អូនប្រុសស្រី ឬអ្នកដែលខ្ញុំគោរព បានរិះគន់ខ្ញុំយ៉ាងខ្លាំងៗ ម្ដងហើយម្ដងទៀតៗ ថាតើវានៅតែធ្វើឱ្យខ្ញុំឈឺចាប់រហូតមកដល់សព្វថ្ងៃនេះឬទេ?"

តើមានបញ្ហាអ្វីដែរបើមិនដូច្នោះទេ? បន្ទាប់មកអ្នកត្រូវសួរខ្លួនអ្នកថា: ប្រសិនបើអ្នកមិនបានទទួលការយល់ព្រម តើអ្នកត្រូវបានគេដេញចេញពីសាលារៀនទេ?

ប្រសិនបើដូច្នោះមែន គឺមានការភ័យខ្លាចនៅពេលដែលអ្នកធ្វើអ្វីខុសនោះ។ ហេតុនេះដែរ វានៅតែមិនធ្វើអោយមានសុខភាពល្អ ឬមានប្រយោជន៍នោះទេ។

គុណសម្បត្តិនិងគុណវិបត្តិនៃការក្លាយជាអ្នកល្អឥតខ្ចោះ

"តើភាពល្អឥតខ្ជោះនេះវាមានប្រយោជន៍ទេ ហើយវាជួយខ្ញុំបានទេ?"

មានភាពវិជ្ជមាន និងការអវិជ្ជមានខ្លះៗអំពីការក្លាយជាមនុស្សល្អឥតខ្ជោះម្នាក់នោះ។

អ្វីដែលជាក់ស្តែងនោះគឺថាមនុស្សដែលមានភាពល្អឥតខ្ចោះព្យាយាមធ្វើអ្វីៗឱ្យបានល្អបំផុត។ អ្នកគួរតែទទួលយកវា រីករាយនឹងវា ចាប់យកវាហើ យនិយាយថា "នោះគឺជារឿងដ៏អស្ចារ្យដែលខ្ញុំមានភាពល្អឥតខ្ចោះនេះ។ វាផ្តល់ឱ្យខ្ញុំនូវឱកាសមួយដើម្បីចង់បានភាពល្អឥតខ្ចោះ ហើយនោះគឺជាលក្ខណះអស្ចារ្យណាស់។

ផ្នែកអវិជ្ជមាន វាបានធ្វើអោយមានការឈឺចាប់លើផ្នែកថាមពល។  វាធ្វើឱ្យអ្នកមានអារម្មណ៍ថា អ្នកមិនអាចមានភាពត្រឹមត្រូវ ឬល្អគ្រប់គ្រាន់ ហើយអ្នកមិនដែលមានភាពជោគជ័យគ្រប់គ្រាន់នោះទេ។  ដោយសារតែអ្នកមិនល្អគ្រប់គ្រាន់នេះហើយបានធ្វើអោយអ្នកមិនមានអារម្មណ៍ល្អអំពីអ្វីដែលអ្នកធ្វើ ហើយអ្នកក៏ចាប់ផ្តើមមិនចង់ទទួលយករឿងថ្មីៗនោះទេ។ បន្ទាប់មកទៀតអារម្មណ៍មិនល្អក៏កើតមានចំពោះអ្នកម្តងទៀត។

របៀបដោះស្រាយភាពឥតខ្ចោះ

នេះជារបៀបដែលអ្នកអាចដោះស្រាយគំនិតអវិជ្ជមានទាំងនេះបាន:

កំណត់កន្លែងដែលកើតមានភាពល្អឥតខ្ចោះ/មិនល្អឥតខ្ចោះ ព្រមទាំងការដែលព្រមទទូលយកវាដោយគ្មានការវិនិច្ឆ័យនោះ។  ព្រះពុទ្ធមានព្រះបន្ទូលថា នេះ«រាល់រឿងអាក្រក់កើតឡើងគឺជាដំណើរការ ឯចំណេះដឹងជាអំណាច»។

វាជាដំណើរការមួយដែលមានលក្ខខណ្ឌ តែអ្នកអាចបដិសេធលក្ខខណ្ឌនេះបាន។

នៅពេលអ្នកចាប់ផ្តើមមានគំនិតអវិជ្ជមានអំពីអ្វីដែលអ្នកបានបង្កើត សូមនិយាយថា "សូមអរគុណអ្នកសម្រាប់ការចែករំលែក" បន្ទាប់មកសូមត្រលប់មកជីវិត(ហ្គេម)របស់អ្នកវិញ ហើយទទួលស្គាល់ថា "ខ្ញុំនឹងចាប់ផ្តើមស្រស់ថ្លានៅថ្ងៃនេះ។ សព្វថ្ងៃនេះខ្ញុំពិតជាល្អឥតខ្ចោះ។

នេះគឺពិតប្រាកដ  នៅលើកម្រិតខាងវិញ្ញាណ អ្នកគឺល្អឥតខ្ចោះតាមរបៀបអ្នក។

អ្វីដែលយើងម្នាក់ៗគួរធ្វើគឺការបង្កើនការពេញចិត្តចំពោះខ្លួន និងពេញចិត្តចំពោះអ្វីដែលយើងមានធ្វើ។ ចំនុចខ្លះដែលមិនមានភាពល្អឥតខ្ចោះនោះ គឹក៏អាចរក្សាវាបាន ព្រោះថាយើងត្រូវផ្តោតលើអ្វីដែលយើងពិតជាចង់បាន។