ច្បាប់លុយថ្មីទី៣: រៀនរបៀបគ្រប់គ្រងលំហូរសាច់ប្រាក់

តើអ្នកមានគំរូលំហូរសាច់ប្រាក់របស់អ្នកមានទេ?

ពាក្យដ៏សំខាន់បំផុតនៅក្នុងជំនួញ និងក្នុងការវិនិយោគគឺជាពាក្យ លំហូរសាច់ប្រាក់។

សព្វថ្ងៃនេះមនុស្សជាច្រើនមានបញ្ហាផ្នែកហិរញ្ញវត្ថុដោយសារតែពួកគាត់មាន លំហូរសាច់ប្រាក់ហូរចេញពីហោប៉ៅរបស់ពួកគាត់ច្រើន ហើយលំហូរសាច់ប្រាក់ហូរចូលក្នុងហោប៉ៅរបស់ពួកគាត់តិច។ ដូចនេះបើអ្នកចង់មានសុវត្តិភាពផ្នែកហិរញ្ញវត្ថុនោះ អ្នកត្រូវតែរៀនបន្ថែមពីរបៀបបង្កើនលំហូរសាច់ប្រាក់ចូលក្នុងហោប៉ៅរបស់អ្នក។

រ៉ូបឺតគីយូសាគី បាននិយាយថាៈ ខ្ញុំបានរកឃើញគំរូលំហូរសាច់ប្រាក់មានចំនួនបី គឺលំហូរសាច់ប្រាក់របស់អ្នកក្រ លំហូរសាច់ប្រាក់អ្នកថ្នាក់កណ្តាល និងលំហូរសាច់ប្រាក់របស់អ្នកមាន។

គំរូលំហូរសាច់ប្រាក់របស់អ្នកក្រ

អ្នកក្ររស់នៅរាល់ថ្ងៃគឺរំពឹងលើតែប្រាក់ខែ ពីមួយខែទៅមួយខែ ពួកគាត់ពិតជាខិតខំធ្វើការដើម្បីចំណាយទៅលើការចាយវាយប្រចាំខែរបស់ពួកគាត់។ ពួកគាត់ជាអ្នកប្រឹងប្រែងធ្វើការ ហើយជាញឹកញាប់គឺពួកគាត់ធ្វើការពីរកន្លែង តែក៏ពិបាករំកិលខ្លួនទៅមុខណាស់ ព្រោះតែពួកគាត់បានត្រឹមតែហូរតាមទឹក។

លំហូរសាច់ប្រាក់របស់អ្នកក្រគឺមានលំនាំដូចនេះ

លំហូរសាច់ប្រាក់របស់អ្នកក្រ

លំហូរសាច់ប្រាក់របស់អ្នកថ្នាក់កណ្តាល

អ្នកថ្នាក់កណ្តាលជាញឹកញាប់គឺរស់នៅដោយពឹងផ្អែកលើប្រាក់ខែពីមួយខែទៅមួយខែ ហើយអ្វីដែលខុសគ្នានោះគឺរបៀបប្រើប្រាស់លុយរបស់ពួកគាត់។ នេះជាគំរូលំហូរសាច់ប្រាក់របស់អ្នកថ្នាក់កណ្តាលៈ

លំហូរសាច់ប្រាក់របស់អ្នកថ្នាក់កណ្តាល

អ្នកដែលមានគំរូលំហូរសាច់ប្រាក់បែបនេះ ប្រហែលជាពួកគាត់មានប្រាក់ខែខ្ពស់ ផ្ទះល្អៗ  ឡានល្អៗ ​និងប័ណ្ណឥណទាន​។

«ពួកគាត់តែងតែយកលុយរបស់ពួកគាត់ចូលទៅក្នុងបំណុល»

យូរៗទៅអ្នកដែលបានបង្កើនបែបផែនជីវិតបែបនេះ គឺត្រូវតែរក្សាការងារដែលមានប្រាក់ខែខ្ពស់ៗនឹង ឬក៏ត្រូវធ្វើការបន្ថែមម៉ោងយូរៗទៀត តែបើថ្ងៃណាមួយត្រូវបានគេបញ្ឈប់ពីការងារនោះអ្វីៗគ្រប់យ៉ាងរបស់គាត់នឹងត្រូវមានបញ្ហា ឬចប់។

លោករ៉ូបឺតបានលើកទឹកចិត្តយើងអោយលែង ហ្គេមលំហូរសាច់ប្រាក់​ ព្រោះក្នុងហ្គេមនោះបានបង្រៀនយើងពីរបៀបដោះស្រាយបញ្ហាហិរញ្ញវត្ថុ ព្រមទាំងអាចផ្លាស់ប្តូរការគិតពីផ្តោតតែលើលុយអោយផ្តោតទៅលើគំរូអ្នកមាន។

គំរូលំហូរសាច់ប្រាក់របស់អ្នកមាន

នេះជាគំរូលំហូរសាច់ប្រាក់របស់អ្នកមានៈ

គំរូលំហូរសាច់ប្រាក់របស់អ្នកមាន

ឪពុកអ្នកមានរបស់លោករ៉ូបឺត គឺមិនចង់អោយកូនរបស់គាត់ និងរ៉ូបឺត មានគំនិតទៅលើការងារដែលមានប្រាក់ខែខ្ពស់នោះទេ គាត់ចង់អោយគពួកគេទាំងពីរអភិវឌ្ឍន៍គំរូការគិតទៅលើតែ ទ្រព្យ

គាត់ចង់ឱ្យបង្កើតគំរូនៃការគិតតែលើទ្រព្យសម្បត្តិ ប្រាក់ចំណូលក្នុងទម្រង់នៃការកើនឡើងមូលធន ភាគលាភប្រចាំឆ្នាំ ប្រាក់ចំណូលពីការជួល ប្រាក់ចំណូលពីអាជីវកម្ម និងកម្រៃជើងសារ។

ការគិតដូចអ្នកមាន

បើអ្នកចង់ជោគជ័យនៅក្នុងសម័យពត៏មានវិទ្យានេះ គឺអ្នកត្រូវអភិវឌ្ឍភាពវៃឆ្លាតផ្នែកហិរញ្ញវត្ថុ និងបញ្ញាស្មារតី នោះអ្នកនឹងមានអារម្មណ៍ថាមានសុវត្តិភាព សេរីភាពផ្នែកហិរញ្ញវត្ថុ។

នៅក្នុងពិភពការងារដែលមានសុវត្តិភាពតិចបំផុតនេះ អ្នកត្រូវតែមើលពិភពនេះក្នុងទស្សនៈវិស័យជាម្ចាស់អាជីវកម្មខ្នាតធំ និងជាវិនិយោគិន មិនមែនជាបុគ្គលិក ឬជាម្ចាស់អាជីវកម្មខ្នាតតូច(អ្នកធ្វើការងារខ្លួនឯង)នោះទេ។

ប្រភពៈ richdad.com