ច្បាប់លុយថ្មីទី៤: ត្រៀមខ្លួនសម្រាប់ពេលអាក្រក់ហើយអ្នកនឹងស្គាល់តែពេលវេលាល្អប៉ុណ្ណោះ

ច្បាប់លុយថ្មីទី៤: ត្រៀមខ្លួនសម្រាប់ពេលអាក្រក់ហើយអ្នកនឹងស្គាល់តែពេលវេលាល្អប៉ុណ្ណោះ

របៀបដែលអ្នកអាចសាងផ្ទះហិរញ្ញវត្ថុពីឥដ្ឋដើម្បីទប់ទល់នឹងគ្រាលំបាក

អ្នកទំនងជាបានឮរឿងរ៉ាវពីជ្រូកបីក្បាលនិងចចកអាក្រក់មួយធំក្បាលហើយ។ វាជារឿងព្រេងនិទានដ៏អស្ចារ្យដែលមានមេរៀនសម្រាប់មនុស្សគ្រប់ស្រទាប់នៃជីវិត។ រឿងនេះបានដំណាលថា មានសត្វជ្រូកតូចៗបីក្បាល។ មួយបានសង់ផ្ទះរបស់វាចេញពីចំបើង មួយទៀតចេញពីឈើដំបង និងមួយទៀតចេញពីឥដ្ឋ។

សត្វជ្រូកពីរក្បាលដំបូងបានបញ្ចប់ការសងផ្ទះរបស់ពួកវាមុនទីបី ហើយជ្រូកទីបីបានកំពុងសាងសង់ផ្ទះមួយពីឥដ្ឋដែលចំណាយពេលយូរដើម្បីបញ្ចប់វា។ ពួកវាបានសើចលេង យ៉ាងសប្បាយរីករាយ ខណៈដែលជ្រូកទីបីកំពុងសាងសង។ ទីបំផុតជ្រូកទីបីបានការសាងសងរួចហើយ វាបានទៅចូលរួមច្រៀង រាំ សើចសប្បាយរីករាយជាមួយជ្រូកទាំងពីរនោះ។

ថ្ងៃមួយមានចចកដ៏អាក្រក់មួយក្បាល បានចូលមកហើយបានឃើញអាហារបីក្បាលដ៏គួរអោយឈ្ងុយឆ្ងាញ់។ ភ្លាមៗនោះវាបានទៅទំលុះផ្ទះដែលធ្វើពីចំបើង និងឈើនោះអស់ក្នុងគោលបំណងទៅចាប់ជ្រួកទាំងនោះធ្វើជាចំណី តែសំណាងល្អណាស់ដែលសត្វជ្រូកទាំងអស់នោះអាចរត់ទៅផ្ទះដែលសងពីឥដ្ឋ ហើយចចកបានព្យាយាមទំលុះផ្ទះនោះខ្លាំងដែរ តែមិនអាចទំលុះបានឡើយព្រោះតែផ្ទះនោះវាមានភាពរឹងមាំ។

ដូននេះជ្រូកទាំងពីរក្បាលនោះក៏បានរៀនពីមេរៀនដ៏មានតម្លៃមួយ ហើយនៅទីបំផុតពួកវាក៏បានសាងសង់ផ្ទះរបស់ពួកវាពីឥដ្ឋដែរ។ បន្ទាប់ពីនោះពួកវាក៏បានរស់នៅប្រកដទៅដោយភាពសប្បាយរីករាយ។

កសាងផ្ទះហិរញ្ញវត្ថុពីឥដ្ឋ

ឪពុកអ្នកមានរបស់លោករ៉ូបឺត បាននិយាយថា «អ្នកដែលមានភាពវៃឆ្លាតផ្នែកហិរញ្ញវត្ថុ គឺអាចរកលុយបាន ទោះជាទីផ្សារកំពុងធ្លាក់ចុះ និងទាំងទីផ្សារកើនឡើង»

រ៉ូបឺតបាននិយាយថា

ក្នុងអំឡុងពេលវិបត្តិសេដ្ឋកិច្ចដ៏អស្ចារ្យចុងក្រោយនេះ មនុស្សជាច្រើនបាត់បង់ស្ទើរតែទាំងអស់។ គួរឱ្យស្ដាយណាស់ មនុស្សជាច្រើនបានបាត់បង់ផ្ទះសម្បែង មូលនិធិចូលនិវត្តន៍ និងអ្វីៗជាច្រើនទៀត។ អ្នកខ្លះថែមទាំងបាត់បង់ជីវិតខ្លួនឯងទៀតផង។ ទោះជាយ៉ាងណាក៏ដោយសម្រាប់ដៃគូខ្ញុំនិងខ្ញុំវិញរឿងរ៉ាវគឺខុសគ្នា។ យើងរកប្រាក់បានច្រើនជាងយើងធ្លាប់បានធ្វើទៅទៀត។

តើធ្វើដូចម្តេច?

យើងបានយល់ពីច្បាប់ថ្មីនៃប្រាក់ និងបានរៀបចំសម្រាប់ពេលអាក្រក់នោះ។ យើងដឹងថាពេលអាក្រក់នឹងកើតឡើង ហើយនៅពេលវាកើតឡើងមែន គឹយើងមានរៀបចំខ្លួនរួចស្រេចទៅហើយ។

សារជាថ្មីម្តងទៀត លុយគឺជាចំណេះដឹង

យើងត្រឡប់ទៅច្បាប់ថ្មីលុយទី១វិញៈ
  ​

ដោយដឹងពីរបៀបលុយធ្វើការ ហើយលុយវាតែងតែហូរទៅកន្លែងថ្មី អញ្ជឹងខ្ញុំតែងតែបន្ថែមចំណេះដឹងពីអ្វីដែលកំពុងកើតឡើងនៅក្នុងទីផ្សារ។

ឧទាហរណ៍នៅពេលធនាគារកណ្តាលចាប់ផ្តើមបញ្ចុះអត្រាការប្រាក់ ខ្ញុំដឹងថាវានឹងដាក់សម្ពាធលើប្រាក់ដុល្លារដែលធ្វើឱ្យប្រាក់ដុល្លារធ្លាក់ថ្លៃ។ ដូច្នេះគីមនិងខ្ញុំបានទៅវិនិយោគលើទំនិញវិញដូចជា មាសនិងប្រេងព្រោះថាជាធម្មតាវានឹងមានការឡើងថ្លៃ ក្នុងអំឡុងពេលដែលបា្រក់ដុល្លារធ្លាក់ថ្លៃ។ បន្ទាប់មកយើងបានលក់ការវិនិយោគទាំងអស់នោះដោយទទូលបានប្រាក់ចំណេញខ្ពស់ រួចហើយយើងបានបង្វិលប្រាក់ទាំងអស់ចូលទៅក្នុងវិស័យអចលនទ្រព្យ នៅខណៈពេលដែលអត្រាការប្រាក់មានកម្រិតទាប ហើយតម្លៃអចលនទ្រព្យមានកម្រិតទាបផងដែរ។ សព្វថ្ងៃនេះការវិនិយោគទាំងនោះកំពុងទទួលបានផលចំណេញ។

អ្វីៗទាំងអស់នេះក៏ព្រោះតែយើងបានវិនិយោគមកលើខ្លួនឯងអស់រយៈពេលជាច្រើនឆ្នាំ ព្រមទាំងចេះពីច្បាប់លុយថ្មី  ហើយក៏បានរៀបចំខ្លួនរួចជាស្រេចក្នុងគ្រាដែលមានពេលអាក្រក់កើតឡើង ដើម្បីអោយមានតែពេលល្អៗប៉ុណ្ណោះ។

អ្នកក៏អាចធ្វើបានដូចគ្នាផងដែរ  វាត្រូវចាប់ផ្តើមពីចំណេះផ្នែកហិរញ្ញវត្ថុ និងការបន្តអនុវត្តចំណេះដឹងដែលបានរៀននោះ។

ច្បាប់លុយចាស់ៗ ដូចជាសន្សំប្រាក់ និងធ្វើការនៅកន្លែងមានភាពរឹងមាំ នោះនឹងមិនអាចឈរជើងនៅក្នុងពេលអាក្រក់ៗកើតឡើងនោះបានទេ។

ឥឡូវនេះដល់ពេលត្រូវសង់ផ្ទះហិរញ្ញវត្ថុរបស់អ្នកពីឥដ្ឋហើយ ព្រោះវាអាចធ្វើអោយអ្នកមានតែពេលល្អៗតែប៉ុណ្ណោះ។

ប្រភពៈ richdad.com