អនុសាសន៍ដ៏មហាមានគុណតម្លៃរបស់ឪពុកអ្នកមានរបស់រ៉ូបឺត គីយូសាគី ក្នុងការសាងអាជីវកម្មដំបូង

អនុសាសន៍ដ៏មហាមានគុណតម្លៃរបស់ឪពុកអ្នកមានរបស់រ៉ូបឺត គិយូសាគី ក្នុងការសាងអាជីវកម្មដំបូង

  

តម្លៃនៃអាជីវកម្មក្រៅម៉ោង, អាជីវកម្មនៅតាមផ្ទះ

រ៉ូបឺត គីយូសាគីៈ បន្ទាប់ពីចាកចេញពីកងទ័ពជើងទឹក ម៉ារីន មកខ្ញុំបានសំរេចថាខ្ញុំនឹងកសាងអាជីវកម្មផ្ទាល់ខ្លួនរបស់ខ្ញុំ។ ខ្ញុំនៅក្មេងតែមានឆន្ទៈពោរពេញដោយមហិច្ឆតា។ ខ្ញុំមិនដឹងថាត្រូវកសាងអាជីវកម្មដោយរបៀបណាទេ ខ្ញុំគ្មានលុយដើម្បីកសាងវាទេ  ហើយខ្ញុំក៏មិនមានលុយសូម្បីដើម្បីរស់នៅផងដែរ។

ខ្ញុំមានអារម្មណ៍ថាល្ហិតល្ហៃ និងមិនសូវមានទំនុកចិត្ត ហើយខ្ញុំបានទូរស័ព្ទទៅឪពុកអ្នកមានរបស់ខ្ញុំ  ដោយខ្ញុំគិតថាគាត់នឹងប្រាប់ខ្ញុំពីអ្វីដែលខ្ញុំចង់ដឹង។ ការឆ្លើយតបរបស់គាត់គឺ"ទៅរកការងារធ្វើទៅ"។

ខ្ញុំ​បាន​ភ្ញាក់ផ្អើល​ជា​ខ្លាំង  "ខ្ញុំគិតថាប៉ានឹងប្រាប់ឱ្យខ្ញុំទៅចាប់ផ្តើមអាជីវកម្មរបស់ខ្ញុំ" ។

ឪពុកខ្ញុំបាននិយាយថា"ប៉ាគួរតែប្រាប់ពីរឿងហ្នឹង" តែកូននៅតែត្រូវការរបស់ញាំ នឹងកន្លែងស្នាក់នៅ។

ឪពុកអ្នកមានបានពន្យល់ពីច្បាប់ដ៏មានតម្លៃបំផុតមួយៈ "ចូរធ្វើការងារដើម្បីរៀន កុំធ្វើដើម្បីប្រាក់"។

ពេលធ្វើការ គឺខ្ញុំរៀនពីជំនាញដែលចាំបាច់ដើម្បីចាប់ផ្តើមអាជីវកម្មដែលខ្ញុំចង់បើក តែមិនមែនសម្រាប់អាជីព និងស្វែងរកការងារដែលមានសុវត្តិភាពធ្វើនោះទេ។ គាត់បានផ្តល់ដំបូលមានថា ខ្ញុំធ្វើការងារដែលអាចបង្រៀនខ្ញុំពីជំនាញការលក់ ព្រោះគាត់ដឹងថាខ្ញុំពិតជាខ្មាស់អៀន និងភ័យខ្លាចចំពោះការបដិសេធ។ គាត់ចង់ឱ្យខ្ញុំរៀនដោះស្រាយបញ្ហាភ័យខ្លាចផ្ទាល់ខ្លួនរបស់ខ្ញុំ។ ជាមួយនឹងដំបូន្មាននោះខ្ញុំបានចាប់ផ្តើមជាអ្នកលក់ម្នាក់នៅក្រុមហ៊ុន Xerox ។ ជារៀងរាល់ថ្ងៃខ្ញុំត្រូវធ្វើការពីការិយាល័យមួយទៅការិយាល័យមួយដើម្បីជួបមនុស្ស្ចចម្លែកៗ និងព្យាយាមលក់ ដោយមិនគិតថាតើពួកគេត្រូវការរឺក៏អត់នោះទេ។ វាជាដំណើរការសិក្សាដ៏ឈឺចាប់មួយ ប៉ុន្តែវាបានធ្វើអោយខ្ញុំមានលុយរាប់លានដុល្លារ។ វាគឺពិតជាការវិនិយោគមួយ។ នៅពេលខ្ញុំធ្វើការនៅក្រុមហ៊ុន Xerox ខ្ញុំបានក្លាយជាកំពូលអ្នកលក់ម្នាក់ ប៉ុន្តែខ្ញុំនៅតែមានអារម្មណ៍ថាខ្វះលុយជារៀងរាល់ខែ។

ដោយការពិតនេះដែរ ឪពុកអ្នកមានបានផ្តល់ច្បាប់ទី២ដល់ខ្ញុំ" ចូររក្សាការងារប្រចាំថ្ងៃរបស់អ្នកនៅដដែរ ហើយចាប់ផ្តើមអាជីវកម្មក្រៅម៉ោង"។

ឪពុកអ្នកមានបាននិយាយថាៈ  "កំហុសដ៏ធំបំផុតដែលមនុស្សធ្វើ គឺខំប្រឹងធ្វើការដើម្បីរកលុយ"។ "មនុស្សភាគច្រើនមិនអាចឆ្ពោះទៅមុនផ្នែកហិរញ្ញវត្ថុ(មានលុយច្រើន)បាននោះទេ ព្រោះនៅពេលដែលពួកគេត្រូវការលុយច្រើនពួកគេនឹងរកការងារក្រៅម៉ោងធ្វើដើម្បីប្តូរនឹងលុយ។  ប្រសិនបើពួកគេពិតជាចង់ឈានទៅមុខបាន ពួកគេគួរតែរក្សាការងារប្រចាំថ្ងៃរបស់ពួកគេ ហើយចាប់ផ្តើមបង្កើតអាជីវកម្មក្រៅម៉ោង"។ នេះគឺជាការពិតសម្រាប់ក្រុមហ៊ុនដូចជា Microsoft, Facebook, Amazon.com និង Dell Computers។

ឪពុកអ្នកមានបានពន្យល់ថា អាជីវកម្មធំ ៗ ភាគច្រើនបានចាប់ផ្តើមចេញពីអាជីវកម្មក្រៅម៉ោង។ បញ្ហានៅលើពិភពលោកនេះ មិនមែនជាការខ្វះខាតនូវគំនិតដ៏អស្ចារ្យនោះទេ តែផ្ទុយទៅវិញខ្វះអ្នកជំនួញ(អ្នកធ្វើអាជីវកម្ម)ដ៏អស្ចារ្យ។

មូលហេតុចម្បងក្នុងការចាប់ផ្តើមអាជីវកម្មក្រៅម៉ោង គឺដើម្បីធ្វើឱ្យអ្នកក្លាយជាអ្នកជំនួញដ៏អស្ចារ្យម្នាក់។ ចូរផ្តោតក្នុងការកសាងអាជីវកម្មក្រៅម៉ោងដ៏អស្ចារ្យមួយ ដូច្នេះអ្នកអាចរៀនធ្វើដើម្បីក្លាយជាម្ចាស់អាជីវកម្មដ៏អស្ចារ្យម្នាក់ផងដែរ។

អ្វីដែលអ្នកនឹងរៀន

ការចាប់ផ្តើមអាជីវកម្មក្រៅម៉ោងនៅផ្ទះមួយ គឺបានអនុញ្ញាតឱ្យអ្នករៀនជំនាញអាជីវកម្មដែលមិនអាចកាត់ថ្លៃបាន និងមុខវិជ្ជាជាច្រើនទៀតដូចជា:

-ជំនាញ​ទំនាក់ទំនង

-ជំនាញភាពជាអ្នកដឹកនាំ

-ជំនាញកសាងក្រុម

-ច្បាប់ពន្ធ

-ច្បាប់សាជីវកម្ម

-ច្បាប់មូលបត្រ

ទាំងនេះមិនអាចរៀននៅក្នុងវគ្គសិក្សាមួយ ឬនៅក្នុងសៀវភៅតែមួយក្បាលបាននោះទេ។ ត្រូវតែបន្តរៀនពីពួកវា។​​ ខ្ញុំរៀនបន្តរហូតដល់សព្វថ្ងៃ។ កាលណាខ្ញុំសិក្សាកាន់តែច្រើននោះអាជីវកម្មរបស់ខ្ញុំកាន់តែរីកចំរើន។

ដោយចាប់ផ្តើមអាជីវកម្មក្រៅម៉ោង អ្នកនឹងក្លាយជាអ្នកគ្រប់គ្រង។ ពិភពថ្មីមួយដែលមានឱកាសហិរញ្ញវត្ថុគ្មានដែនកំណត់ គឺអាចទៅរួច។ វាពិតជាបទពិសោធន៍ផ្លាស់ប្តូរ និងការផ្លាស់ប្តូរផ្នត់គំនិតផងដែរ។

ប្រភព: richdad.com