របៀបយកឈ្នះលើភាពភ័យខ្លាចដើម្បីបន្តចំណង់ចំណូលចិត្តរបស់អ្នក

 

របៀបយកឈ្នះលើភាពភ័យខ្លាចដើម្បីបន្តចំណង់ចំណូលចិត្តរបស់អ្នក

"តើការភ័យខ្លាចរបស់អ្នករារាំងអ្នកពីការបន្តការងារដែលអ្នកស្រលាញ់ ហើយនិងអ្វីដែលកំពុងងប់ងល់មែនទេ?"

  ចូរស្វែងយល់ពីរបៀបកម្ចាត់ការភ័យខ្លាចដើម្បីផ្លាស់ប្តូរជីវិតរបស់អ្នក។

រៀនធ្វើតាមចំណង់ចំណូលចិត្តរបស់អ្នកដោយការយកឈ្នះការភ័យខ្លាចរបស់អ្នក

ចូររកមើលអ្វីដែលខ្លួនស្រឡាញ់ ហើយធ្វើវា ឬស្រឡាញ់អ្វីដែលអ្នកធ្វើ ដើម្បីការរស់នៅព្រមជាមធ្យោបាយមួយដើម្បីក្លាយជាអ្នកមានផងដែរ។  វាពិតជាមានការលំបាកខ្លះណាស់ក្នុងការទទួលបានភាពជោគជ័យ និងសុភមង្គលផ្ទាល់ បើអ្នកធ្វើអ្វីដែលអ្នកមិនស្រឡាញ់នោះ។ តើអ្នកកំពុងធ្វើអ្វីដោយមិនដឹងខ្លួនមែនទេ? តើអ្នកកំពុងស្វែងរកផ្លូវចេញមែនទេ? សាកស្រមៃថាអ្នកកំពុងតែបើកបរនៅលើផ្លូវហាយវ៉េមួយ ហើយអ្នកកំពុងស្វែងរកផ្លូវរចាកចេញ។ តើអ្នកនឹងបើកបរលើគំនូរផ្លូវណា? ដោយសារអ្នកមិនចង់ជិះហួសផ្លូវចេញ ដូចនេះអ្នកត្រូវជិះយឺតៗ។ តែបើអ្នកជិះនៅលើផ្លូវលឿនដោយមិនដឹងខ្លួនទេ គឺអ្នកប្រាកដជាជិះហួស។

ដូច្នេះហេតុអ្វីបានជាយើងទាំងអស់គ្នាមិនធ្វើអ្វីដែលយើងស្រលាញ់? អ្នកគិតថាវាជាជម្រើសធម្មជាតិមែនទេ? ទេពកោសល្យធម្មជាតិគឺជាអំណោយពីសកលលោក ឬពីអ្វីដែលអ្នកចង់ហៅ អ្នកដែលបង្កើតអ្នក។ អ្នកអាចសម្រិតសម្រាំងទេពកោសល្យរបស់អ្នក ប៉ុន្តែវាជាអ្វីមួយដែលធ្វើឱ្យមនុស្សនិយាយថា"អ្នកគឺជាធម្មជាតិ"។

របៀបដែលការភ័យខ្លាច និងកាតព្វកិច្ចទាញយើងឱ្យត្រឡប់មកក្រោយវិញ

ហេតុផលដែលមនុស្សជាច្រើនមិនស្វែងរក ឬមិនបង្កើតការងារដែលពួកគេស្រឡាញ់ចូលចិត្តនោះ គឺព្រោះតែភាពភ័យខ្លាច តាមពិតទៅ  វាអាចជាការភ័យខ្លាចនៃការបរាជ័យ  ការភ័យខ្លាចនៃការមិនទទូលស្គាល់ ការភ័យខ្លាចនៃការផ្លាស់ប្តូរ ការភ័យខ្លាចនៃការបដិសេធ ការភ័យខ្លាចនៃមើលឃើញថាល្ងង់ ឬការភ័យខ្លាចនៃការមិនពេញចិត្ត។ អ្វីក៏ដោយករណីនេះវាជារឿងដែលអ្នកបង្កើតឡើងអំពីអ្វីដែលអាចកើតឡើងឬអ្វីដែលអាចកើតឡើងនាពេលអនាគត។

នៅក្នុងការភ្ជាប់ជាមួយភាពភ័យខ្លាចនោះ គឺជាកាតព្វកិច្ច។ យើងទាំងអស់គ្នាមានកាតព្វកិច្ចចំពោះការចងចាំពីអតីតកាល កាតព្វកិច្ចជាមួយមនុស្សផ្សេងទៀត កាតព្វកិច្ចចំពោះប្រាក់កម្ចី-ល-។ ប្រសិនបើប្រាក់បំណុល(កម្ចី)របស់អ្នកកំពុងរារាំងជីវិតរបស់អ្នក តើអ្នកចង់ដោះស្រាយមួយណា? អ្នកគិតតាមចម្លើយឡូជីខ( logic)មួយនោះ គឺប្រាក់កម្ចី ប៉ុន្តែអ្នកសាកស្មាន់មើលថា តើដំណោះស្រាយមួយណាដែលមនុស្សភាគច្រើនដោះស្រាយ(ដោះលែង)នោះ? 

មិនថាកាតព្វកិច្ចអ្វីនោះទេ វាគ្មានអ្វីក្រៅពីការភ័យខ្លាចនោះទេដូជា"ប្រសិនបើខ្ញុំមិនធ្វើបែបនេះទេ នោះនឹងមានអ្វីអាក្រក់កើតឡើងចំពោះខ្ញុំ"។ កាតព្វកិច្ចនេះគឺ "គួរតែ" ឬក៏"ត្រូវតែ" ប៉ុន្តែវាជាគំនិតមួយ ហើយអ្នកបានបង្កើតកាតព្វកិច្ចនោះអោយមានឡើង។ វាមិនពិតទេដែលអ្នកត្រូវតែឬគួរតែធ្វើនោះ។ វាជាគំនិតរបស់អ្នកផ្អែកលើការបកស្រាយ ហើយការបកស្រាយនោះគឺបញ្ជាក់ថាអ្នកជានរណានោះឯង។ វាដល់ពេលហើយដើម្បីបំភ្លេចកាតព្វកិច្ចទាំងនេះ។  ប្រសិនបើពួកវាមិនគាំទ្រអ្នក ឬជំរុញអ្នកអោយឆ្ពោះទៅធ្វើអ្វីដែលអ្នកស្រឡាញ់ទេ កុំរង់ចាំអី! ព្រោះជីវិតគឺខ្លីណាស់បើអ្នកធ្វើអ្វីដែលអ្នកមិនស្រឡាញ់ ឬក៏គ្មានចំណង់នោះ។ 

នៅពេលអ្នកស្វែងរកបានការងារដែលអ្នកស្រលាញ់ដ៏ងប់ងល់ជាមួយវា នោះអ្នកធ្វើវាដូចជាមនុស្សឆ្គួតអញ្ជឹង។ នោះហើយជារបៀបដែលអ្នកនឹងដឹងថាវាជាការងារដែលអ្នកស្រលាញ់។ ធ្វើអ្វីដែលអ្នកស្រលាញ់ នោះលុយរត់មករកអ្នក។ អ្នកត្រូវរៀនពីរបៀបដើម្បីយកឈ្នះលើការភ័យខ្លាច និងទុកចិត្តលើខ្លួនអ្នក។

ដល់វេន​អ្នក​ម្តងហើយ!  ឥឡូវនេះយើងចង់ឮពីអ្នក!តើមានវិធីណាខ្លះដែលអ្នកមានតុល្យភាពលើការទទួលខុសត្រូវចំពោះអ្នកដទៃ ដូចជាការយកចិត្តទុកដាក់ដល់គ្រួសារ ឬក៏ការទទួលខុសត្រូវចំពោះចំណង់ចំណូលចិត្ដរបស់អ្នក? តើមានធនធានអ្វីខ្លះដែលយើងទាំងអស់គ្នាមានដែលអាចជួយយើងរៀនពីរបៀបយកឈ្នះលើការភ័យខ្លាច និងកំចាត់កាតព្វកិច្ចពីមុនៗចេញ?

ប្រពភៈ harveker.com