មូលហេតុទាំងបីយ៉ាងដែលមានសារៈសំខាន់ក្នុងលក់

មូលហេតុទាំងបីយ៉ាងដែលមានសារៈសំខាន់ក្នុងលក់

តើអ្នកធ្លាប់ឆ្ងល់ថាហេតុអ្វីបានជាអ្នកបាត់បង់ឪកាសក្នុងការលក់ ទោះក្នុងគ្រាអ្នកគិតថាអ្នកមានឪកាសដ៏ដោយនោះ?

អ្នកលក់ភាគច្រើន បន្ទោសដល់ទស្សនៈវិស័យរបស់ពួកគេក្នុងការបាត់បង់ឪកាសក្នុងការលក់ ដោយនិយាយថា"ពួកគេមិនមានលក្ខណៈគ្រប់គ្រាន់សម្រាប់ផលិតផល ឬសេវាកម្មរបស់ខ្ញុំ" ឬ "ពួកគេគ្រាន់តែមិនចង់បាន" ឬ "ពួកគេមិនមានលុយ" "ពួកគេមិនមានភាពធ្ងន់ធ្ងរអំពីការដោះស្រាយបញ្ហារបស់ពួកគេ" ដូចនេះការដោះសារ(លេស)មានរហូត...ការពិតដែលអ្នកបរាជ័យ9ដងនៅក្នុង10ដងនោះ គឺមកពីវិធីដែលពួកគេធ្វើការទំនាក់ទំនងជាមួយអតិថិជនសក្តានុពលរបស់ពួកគេ។

ខាងក្រោមនេះជាហេតុផលដែលគួរអោយរន្ធត់ 3 យ៉ាងដែលធ្វើអោយអ្នកបាត់បង់ឪកាសក្នុងការលក់ជាច្រើន។

ហេតុផលទី 1:  អតិថិជនសក្តានុពលរបស់អ្នកបានមើលឃើញអ្នកថាជាអ្នកដទៃ

តើអ្នកធ្លាប់ឈប់ ហើយឆ្ងល់ពីរបៀបដែលអតិថិជនសក្តានុពលរបស់អ្នកមានគំនិតពិតចំពោះអ្នកទេ?

តើអ្វីទៅដែលកំណត់ថាអ្នកមានភាពខុសគ្នាពីអ្នកលក់ផ្សេងទៀតដែលកំពុងតែលក់អ្វីមួយអោយអតិថិជនគោលដៅរបស់អ្នក?

ឥឡូវនេះ គឺមានការរួមទាំងអំណាចនៃបច្ចេកវិទ្យា បណ្តាញសង្គម និងភាពងាយស្រួលនៃប្រព័ន្ធអ៊ីនធឺណិត បានធ្វើអោយយើងរស់នៅក្នុងសម័យកាលខុសគ្នាទាំងស្រុង។ អតិថិជនដឹងទាំងអស់អំពីក្រុមហ៊ុនរបស់អ្នក: ផលិតផល សេវាកម្មរបស់អ្នក តម្លៃរបស់អ្នក ដៃគូប្រកួតប្រជែងអ្នក និងរយៈនៃការចាប់ផ្តើមធ្វើអាជីវកម្មរបស់អ្នក។ ពួកគាត់អាចធ្វើការស្រាវជ្រាវតាមប្រព័ន្ធអ៊ីនធឺណែត ដូចជាGoogleជាដើម ដោយគ្រាន់ប្រើប្រាស់ទូរស័ព្ទដៃ កុំព្យុទ័រ..របស់ពូកគាត់។

ដោយសារតែបច្ចេកវិទ្យានេះ អតិថិជនសក្តានុពលរបស់អ្នក មិនរងសម្ពាធដែលអ្នកលក់បានដាក់ទេ ។ ចាប់តាំងពីពួកគាត់ដឹងថា ពួកគាត់មានជម្រើសផ្សេងទៀតជាច្រើន ក្នុងជ្រើសរើសផលិតផល ឬសេវាកម្មពិតប្រាកដដែលអ្នកលក់នោះ។

មានក្រុមហ៊ុន និងអ្នកលក់រាប់មិនអស់ទេបានកំពុងព្យាយាមលក់អ្វីមួយដល់អតិថិជនសក្តានុពលរបស់អ្នកគ្រប់ពេលវេលា ហើយគ្រប់គ្នាបានប្រកួតប្រជែងដើម្បីយកចិត្តទុកដាក់ និងលុយរបស់ពួកគេ។ ទោះជាយ៉ាងណាក៏ដោយនៅពេលដែលអ្នកដឹងដំណោះស្រាយនោះ អ្នកនឹងអាចរក្សាគោលបំណងរបស់អតិថិជន និងថែមទាំងអាជីវកម្មរបស់អតិថិជនផងដែរ!

ដូច្នេះប្រសិនបើអ្នកនៅតែប្រើបច្ចេកទេសលក់ និងទស្សនវិស័យតាមបែបប្រពៃណីទៀត នោះអាចធ្វើអោយអតិថិជនរបស់អ្នកគិតថា អ្នកជាមនុស្សដែលព្យាយាមចង់តែលក់ ឬក៏ព្យាយាមយកបញ្ហារបស់អ្នកដាក់ក្នុងបំពងកររបស់ពូកគាត់។ ដូចនេះពូកគាត់នឹងបដិសេធនូវអ្វីដែលអ្នកកំពុងតែលក់។ 

"ដូចនេះយើងត្រូវតែមានដំណោះស្រាយក្នុងការដោះស្រាយបញ្ហារបស់ពួកគាត់"។

រៀនពីរបៀបជំនាញក្នុងការសួរសំណួរដើម្បីអោយអ្នកកាន់តែចូលជ្រៅក្នុងការសន្ទនាជាមួយ

អតិថិជនសក្តានុពលរបស់អ្នក។ ចូរសួរសំនួរមួយដែលសំខាន់សម្រាប់គាត់ ហើយយើងអង្គុយស្តាប់ចម្លើយរបស់ពួកគាត់យ៉ាងយកចិត្តទុកដាក់។ បន្ទាប់មកសួរសំនួរបន្ថែមដើម្បីខិតចូលកាន់តែជ្រៅទៀត។ នៅពេលអ្នករៀនធ្វើដូច្នេះឱ្យមានប្រសិទ្ធភាពបាន នោះអតិថិជនសក្តានុពលរបស់អ្នក នឹងចង់នៅជាមួយអ្នក ចង់ទំនាក់ទំនងជាមួយអ្នក និងធ្វើអាជីវកម្មជាមួយអ្នក។

នៅពេលអ្នកផ្តោតលើពិភពនៃអតិថិជនសក្តានុពលរបស់អ្នក និងអ្វីដែលពួកគាត់កំពុងស្វែងរកជាជាងផ្តោតលើពិភពរបស់អ្នក ព្រមទាំងវិធីក្នុងការបង្កើតការលក់របស់អ្នក នោះអ្នកនឹងកំណត់បានទស្សនៈវិស័យមួយក្នុងការជួយដោះស្រាយបញ្ហារបស់អតិថិជនរបស់អ្នកដោយការគោរព។ នោះពូកគាត់នឹងចាប់ផ្តើមចាត់ទុកអ្នកថាជា"អ្នកដែលគួរអោយជឿជាក់" នៅក្នុងឧស្សាហកម្មរបស់អ្នកជាជាងអ្នកលក់ផ្សេងទៀតដែលកំពុងលក់អ្វីៗដល់ពួកគាត់។

ហេតុផលទី 2: អ្នកគឺជាអ្នកជំរុញផលិតផលជំនួសអោយជាអ្នកស្វែងរកបញ្ហាដើម្បីដោះស្រាយ

99%នៃអ្នកលក់គឺជា"អ្នកជំរុញលក់ផលិតផល" វាមិនមែនជាកំហុសរបស់ពួកគេនោះទេ ពីព្រោះតែក្រុមហ៊ុនរបស់ពួកគេបានបង្វឹកពួកគេនូវរបៀបលក់បែបចាស់ៗ។ ពួកគេត្រូវសួរសំណួរមួយចំនួនដើម្បីស្វែងរកតម្រូវការដែលមានរំពឹងទុក ហើយបន្ទាប់មកចូលទៅក្នុងទីលានលក់របស់ពួក បន្ទាប់មកក៏បង្ហាញលក្ខណៈពិសេស និងផលប្រយោជន៍នៃផលិផលរបស់ពួកគេ និងចំនុចល្អដែលផលិតផលជួយពួកគេបាន-ល-។

ប៉ុន្តែតើគំនិតរបស់ពួកគេគឺជាអ្វី? តើនរណាដែលអ្នកគិតថាអតិថិជនសក្តានុពលរបស់អ្នកបានកាន់តែយកចិត្តទុកដាក់នោះ? គំនិតរបស់អ្នក និងរបៀបរបស់អ្នកក្នុងការបង្កើតការលក់ ឬតើពួកគេមានការព្រួយបារម្ភអំពីខ្លួនឯង និងអ្វីដែលពួកគេកំពុងស្វែងរកនោះទេ?

ដូច្នេះអ្វីដែលជាដំណោះស្រាយ?

សូមចងចាំ, ក្នុងនាមជាអ្នកជំនាញផ្នែកលក់ យើងប្រឈមជាមួយការពិតដែលយើងជាអ្នកស្វែងរកបញ្ហា និងជាអ្នកដោះស្រាយបញ្ហា។ 

ឥឡូវអ្នកត្រូវតែក្លាយជាអ្នកពូកែក្នុងការស្វែងរកបញ្ហា។ មានន័យថា រកឃើញបញ្ហាប្រឈម ដែលពួកគេប្រហែលជាមិនដឹងថា ពួកគេតែកំពុងមាន។ បើយើងមិនជួយអោយពួកគេមើលឃើញបញ្ហារបស់ពួកគេនោះទេ នោះយើងមិនអាចក្លាយជាអ្នកដោះស្រាយបញ្ហា។

 អ្នកលក់ដ៏អស្ចារ្យ គឺជាអ្នកដែលពូកែក្នុងការដោះស្រាយបញ្ហា។ ពួកគេអាចវាយតម្លៃពីតម្រូវការរបស់អតិថិជនសក្តានុពលរបស់ពួកគេបាន ហើយបន្ទាប់មកផ្តល់នូវដំណោះស្រាយរបស់ពួកគេ។ ហើយសមត្ថភាពក្នុងការដោះស្រាយបញ្ហារបស់អតិថិជនសក្តានុពលរបស់អ្នកដ៏ល្អប្រសើរ នោះជាភាពជោគជ័យរបស់អ្នក។

សេវាកម្មដែលផ្តល់ដោយអ្នកលក់ គឺមានតម្លៃខ្លាំង នៅពេលដែលអតិថិជនសក្តានុពលរបស់អ្នកមានកំហុស ភាន់ច្រឡំ អំពីធាតុពិតរបស់ពួកគាត់។ នៅក្នុងស្ថានភាពទាំងនោះដែរ សមត្ថភាពក្នុងក្នុងការដោះស្រាយបញ្ហាមានឥទ្ធិពលតិចជាងការមើលអោយឃើញពីបញ្ហា។

ប៉ុន្តែសព្វថ្ងៃនេះ ដោយមានអំណាចនៃប្រព័ន្ធអ៊ិនធឺណេត និងបណ្តាញសង្គមពត៌មាននោះគឺនៅចុងម្រាមដៃរបស់អ្នកទិញ។ បច្ចេកវិទ្យានេះបានផ្លាស់ប្តូរទាំងស្រុងដំណើរការលក់នៅក្នុងពិភពថ្មីនៃការលក់។

ដើម្បីក្លាយជាអ្នកលក់ក្នុងកម្រិតកំពូល 1% អ្នកត្រូវតែជាអ្នកជំនាញ "ជាអ្នកស្វែងរកបញ្ហា" 

មូលហេតុទី 3: ការគ្មានចំណាប់អារម្មណ៏របស់អ្នក គឺកំពុងធ្វើឱ្យអតិថិជនសក្តានុពលរបស់អ្នករត់គេចពីអ្នក

ចូរមានចំណង់ខ្លាំងចំពោះផលិតផល ឬសេវាកម្មរបស់អ្នក ហើយនៅពេលអតិថិជនឃើញអ្នករំភើប ពួកគេក៏មានការរំភើបផងដែរ! ខ្ញុំស្ទើរតែចង់សើចនៅចំនុចនេះ។ អ្នកមិនដែលអាចសន្មតថាដោយសារតែអ្នកមានការរំភើប និងមានចំណង់ខ្លាំងពីផលិតផល ឬសេវាកម្មរបស់អ្នក ហើយអតិថិជនមានការរំភើប100%នោះទេ។

ការពិតនៅក្នុង "សម័យសេដ្ឋកិច្ចថ្មី" ដែលយើងរស់នៅក្នុងថ្ងៃនេះ គឺអតិថិជនសក្តានុពលរបស់អ្នកធ្វើផ្ទុយ។ ពួកគាត់ត្រូវប្រើអ្នកលក់ទាំងឡាយណាដែលមានស្នាមញញឹមនៅលើមុខរបស់ពួកគេ។ 

ដូច្នេះអតិថិជនសក្តានុពលរបស់អ្នកបានសាងសង់ជញ្ជាំងការពារដើម្បីការពារខ្លួនពីអ្នកលក់ដែលមានក្តីរំភើប។

នៅពេលពួកគាត់មានអារម្មណ៍ថា អ្នកបានបញ្ចេញអារម្មណ៍រំភើបមកខាងក្រៅនោះ ពួកគាត់នឹងធ្វើរឿងមួយនៅក្នុងចំនោមរឿងពីរៈ

ដូច្នេះអ្វីដែលជាដំណោះស្រាយ?

ជំនួសអោយអារម្មណ៍រំភើបលើអ្វីដែលអ្នកលក់់ ចូលរក្សាវានៅក្នុងខ្លួនរបស់អ្នក។ ចូរធ្វើអារម្មណ៍អោយស្ងប់ និងធ្វើការបន្ថូរអារម្មណ៍ក្នុងអំឡុងពេលសន្ទនាជាមួយអតិថិជនរបស់អ្នក។ ការសន្ទនាធ្វើអោយដូចជាការសន្ទនាជាមួយក្រុមគ្រួសាររបស់អ្នក ឬមិត្តរបស់អ្នក ហើយធ្វើការកត់ចំណាំរាល់អ្វីដែលអតិថិជនរបស់អ្នកនិយាយ ហើយព្យាយាមផ្តល់យោបល់ជាជាងព្យាយាមលក់។