វិធីសាស្ត្រក្នងការសាងចំណូលអកម្ម

វិធីសាស្ត្រក្នងការសាងចំណូលអកម្ម

ជារឿយៗខ្ញុំតែងតែជួបនិស្សិតៗ ដែលអាចមានការសន្សំប្រាក់បានខ្លះៗដែលចង់ដឹងពីរវិធីសាងប្រាក់ចំណូលអកម្មជាមួយនឹងប្រាក់របស់ពួកគេ។ ថ្ងៃនេះដែល សម្រាប់ពួកគេ និងសម្រាប់អ្នក ខ្ញុំមានដំបូន្មានខ្លះៗទាក់ទងនឹងរឿងនេះ។

វិធីសាស្រ្តក្នុងការសាងប្រាក់ចំណូលអកម្ម: ដោយគ្មានសម្បីតែប្រព័ន្ធ

ក្នុងការរកមើលរបៀបបង្កើតប្រាក់ចំណូលអកម្ម ខ្ញុំចូលចិត្តនិយាយថា យើងកំពុងបង្កើតគណនីសេរីភាពផ្នែកហិរញ្ញវត្ថុ(Financial Freedom Account)មួយ: ពេលដែលអ្នកមើលប្រាក់របស់អ្នកនៅក្នុងគណនីនេះ គឺវាស្ទើរតែគ្មានបញ្ហាអ្វីទាំងអស់ជាមួយនឹងការសន្សំប្រាក់នេះ ព្រោះថារយៈពេលកាន់តែយូរ នោះលុយទាំងនេះកាន់តែធ្វើការអោយអ្នកបានកាន់តែច្រើន។

ឧទាហរណ៍ៈ ប្រសិនបើអ្នកដឹងថាការបោះពុម្ពសៀវភៅរបស់អ្នក វានឹងក្លាយជារចនាសម្ព័ន្ធសាងប្រាក់ចំណូលអកម្ម អញ្ជឹងចូរធ្វើវាទៅ។

ប្រសិនបើអ្នកដឹងថា អ្នកនឹងបើកអាជីវកម្មមួយដែលនឹងត្រូវបានគេធ្វើឱ្យមានប្រព័ន្ធ និងមានអានុភាពនៅទីបំផុត​​​  ហើយអ្នកនឹងទទួលបានប្រាក់ចំណូលអកម្មនោះ ចូរធ្វើវាទៅ។

 ប្រសិនបើអ្នកអាចបង្កើតស្ថានភាពមួយដែលអ្នកកំពុងវិនិយោគ ហើយវាដំណើរការនោះ ចូរធ្វើវាទៅ។

អ្វីដែលខ្ញុំកំពុងនិយាយនោះ គឺថា អ្វីដែលអ្នកអាចធ្វើបាន ហើយវាបង្កើតឱ្យមានសេរីភាពផ្នែកហិរញ្ញវត្ថុ ដោយតាមរយៈប្រាក់ចំណូលអកម្ម ឬចំណូលដែលបានពីការវិនិយោគនោះគឺជាល្អ។

មិនមែនជាប្រព័ន្ធទេ តែគឺជាអ្នក

ឥលូវនេះ តោះយើងចូរទៅក្នុងសាច់រឿងៈ មនុស្សជាច្រើនបានបាត់លុយ និងរកលុយបាន គឺទាំងនេះជាប្រភេទនៃការវិនិយោគ មិនថានៅក្នុងអាជីវកម្មជំនួញ ផ្សារភាគហ៊ុន ឬនៅក្នុងវិស័យអចលនទ្រព្យ-ល-។

ការពិតនេះ មនុស្សម្នាក់ៗគឺមានភាពខុសប្លែកគ្នា។ មិនមានប្រព័ន្ធនៃការវិនិយោគដែលនឹងធ្វើការសម្រាប់មនុស្សគ្រប់គ្នាទេ។   ហេតុអ្វី? តាមបទពិសោធរបស់ខ្ញុំ មនុស្សជាអ្នកដែលបង្កើតប្រព័ន្ធ។

មនុស្សជាច្រើនបាត់បង់លុយនៅក្នុងប្រព័ន្ធ ព្រោះមានមនុស្សជាច្រើនមានវិធីគិតជាច្រើនដែលភ័យខ្លាចជុំវិញរឿងលុយ។ ពួកគេបានបំផ្លិចបំផ្លាញខ្លួនឯង ព្រមទាំងមិនព្រមធ្វើតាមប្រព័ន្ធ។

៨០%នៃមនុស្សដែលធ្វើអាជីវកម្ម គឺបានបាត់បង់លុយរបស់ពួកគេ។ តើវាដោយសារតែអាជីវកម្ម ឬក៏ដោយសារខ្លួនរបស់ពួកគេ? វាគឺដោយសារខ្លួនពួកគេផ្ទាល់។

ដូច្នេះចម្លើយ គឺសម្រេចលើអ្វីដែលអ្នកចង់ធ្វើឱ្យបានល្អ ពីព្រោះអ្នកជាមនុស្សម្នាក់ដែលនឹងត្រូវធ្វើវា។

ធ្វើការសម្រេចចិត្តពីអ្វីដែលអ្នកចង់វិនិយោគ

នេះជារបៀបសម្រេចចិត្តក្នុងការបង្វែរប្រាក់របស់អ្នកអោយទៅជាចំណូលអកម្ម:

តើអ្នកសផ្សេងទៀតធ្វើបានល្អដែរឬទេ?   មានមធ្យោបាយតែមួយគត់ដើម្បីដឹងថាប្រព័ន្ធពិតជាបានដំណើរការនោះ គឺថាអ្នកបង្កើតវាបានកំពុងតែរកលុយបានចេញពីវា។ ប្រសិនបើមានអ្នកខ្លះអាចរកលុយបានពីវា នោះមានន័យថា វាបានដំណើរការ។ តើវាមានការជាប់ទាក់ទងជាមួយអ្នកដែរឬទេ? តើអ្នកមានអារម្មណ៍យ៉ាងណាដែរ? ប្រសិនបើអ្នកមិនចង់វិនិយោគក្នុងទីផ្សារភាគហ៊ុននោះ អញ្ជឹងកុំធ្វើវាអី។ ការវិនិយោគរបស់ខ្ញុំផ្ទាល់នៅក្នុងទីផ្សារភាគហ៊ុន គឺមានតិចតូចបំផុត បើធៀបទៅការវិនិយោគផ្សេងៗរបស់ខ្ញុំនោះ។ ហេតុអ្វី? ព្រោះថាខ្ញុំមិនមែនជាអ្នកគាំទ្រដ៏ធំបំផុតទៅលើភាគហ៊ុនឡើយ។ ខ្ញុំមានការវិនិយោគដែលជាចំណងចំណូលចិត្តរបស់ខ្ញុំជាច្រើនទៀត ដែលជាប់ទាក់ទងនឹងខ្ញុំ តែពួកវាប្រហែលជាំមិនមែនសម្រាប់មនុស្សគ្រប់គ្នានោះទេ។

ខ្ញុំសូមផ្តល់ជម្រើសមួយដល់អ្នក ដែលជាអ្វីដែលខ្ញុំមានការចូលចិត្ត តែអ្នកប្រហែលជាមិនចូលចិត្តៈ វានោះ គឺជាការវិនិយោគលើវិស័យអលចនទ្រព្យ។ ជាដំបូងបំផុត នោះគឺថា វាមិនមែនជាផ្សារភាគហ៊ុននោះទេ។ ការធ្វើអាជីវកម្មមានន័យថាក្រុមហ៊ុនដ៏ធំៗទាំងនេះបានរៀបចំតម្លៃភាគហ៊ុនដោយផ្អែកលើ ថាតើពួកគេកំពុងទិញ ឬលក់។ ខ្ញុំមិននិយាយថាពួកគេអាក្រក់ ឬល្អនោះទេ ប៉ុន្តែក្រុមហ៊ុនធំៗទាំងនេះ នឹងប្រាប់ឈ្មួញកណ្តាលរបស់ពួកគេទាំងអស់នៅជុំវិញពិភពលោក ឱ្យលក់ភាគហ៊ុនរបស់ពួកគេ នៅថ្ងៃនេះ ហើយពួកគេធ្វើការលក់ទាំងអស់គ្នា។ បន្ទាប់មកទៀត នៅពេលដែលវាធ្លាក់ចុះវិញពួកគេនោះក៏ប្រមូលទិញវាវិញ។ ខ្ញុំមិនមានន័យថាមនុស្សគ្រប់គ្នា គឺធ្វើរឿងនេះនោះទេ។ តើអ្នកនៅតែអាចរកលុយបានពីផ្សារភាគហ៊ុនមែនទេ? ជាការពិតណាស់អ្នកអាចធ្វើបាន។ មានមនុស្សជាច្រើនអាចធ្វើបាន ប៉ុន្តែខ្ញុំចូលចិត្តអចលនទ្រព្យជាង។ ខ្ញុំចូលចិត្តអចលនទ្រព្យព្រោះថាៈ

-ទីមួយ ខ្ញុំអាចប៉ះវាបាន

-ទីពីរ ខ្ញុំចូលចិត្តសម្លឹងមើលវា

-ទីបី វានឹងកើនឡើងជានិច្ច និងក្នុងរយៈយូរផងដែរ

វាជារចនាសម្ព័ន្ធក្នុងការសាងចំណូលអកម្មមួយ ប្រសិនបើអ្នកទិញវាសម្រាប់លំហូរសាច់ប្រាក់ដ៏ត្រឹមត្រូវ តាំងពីពេលចាប់ផ្តើមនោះ។

បើអ្នកគិតថាអ្នកគ្មានលុយទិញវានោះទេ អញ្ជឹងខ្ញុំនិយាយអំពីវិធីទិញអលចនទ្រព្យក្នុងលំហូរសាច់ប្រាក់ដ៏វិជ្ជមានបាន។ បន្ទាប់មកអ្នករៀនទិញវាដោយប្រើប្រាស់លុយរបស់អ្នកក្នុងចំនួនតិចមួយ។ ក្នុងពេលឆាប់នោះដែរ ការវិនិយោគរបស់អ្នកនឹងបង្កើតចំណូលអកម្មសម្រាប់អ្នកជាមិនខាន។

ធ្វើការជំរុញខ្លួនអ្នកអោយរៀនសូត្រ

ដោយមិនគិតពីវិធីសាស្រ្តវិនិយោគណាមួយដែលអ្នកជ្រើសរើសនោះទេ គន្លឹះដ៏សំខាន់នោះគឹរៀនសូត្រ។ អ្នកអាចរៀនអ្វីគ្រប់យ៉ាង និងច្រើនដងទៀតដែលអ្នកអាចរៀនបានគ្រប់គ្រាន់ដោយមិនបង់ថ្លៃទៀតផង។

-ដូច្នេះការរៀនពីអចលនទ្រព្យ គឺវាមិនពិបាកនោះទេ

-រៀនពីប្រព័ន្ធនៃផ្សារភាគហ៊ុន គឺស្វែងរកនរណាម្នាក់ដែលមានការពូកែនឹងវា

-រៀនពីរបៀបរៀបចំប្រព័ន្ធអាជីវកម្មរបស់អ្នក

ការធ្វើដំណើររាប់ពាន់ជំហាន គឺត្រូវបានចាប់ផ្តើមពីមួយជំហាន។ ដូច្នេះការរៀនសូត្រគឺជាជំហានដំបូងបំផុត។

តើអ្វីជាគំនិត និងបទពិសោធន៍របស់អ្នកជាមួយការវិនិយោគ? ប្រសិនបើអ្នកចង់វិនិយោគ ប៉ុន្តែអ្នកមិនធ្វើ អញ្ជឹងតើអ្វីទៅដែលធ្វើឱ្យអ្នកមិនធ្វើនោះ?  នៅក្នុងអត្ថបទនេះ មិនមែនមានន័យថាចង់ធ្វើការណែនាំពីការវិនិយោគនោះទេ តែអ្វីដែលល្អនោះគឺយើងអាចរៀនពីគ្នាទៅវិញទៅមកបាន ក្នុងគោលបំណងឆ្ពោះទៅកាន់សេរីភាពផ្នែកហិរញ្ញវត្ថុ។ ខ្ញុំក៏ចង់ដឹងពីអ្នកអំពីរបៀបសាងសេរីភាពផ្នែកហិរញ្ញវត្ថុផងដែរ។ សូមធ្វើការផ្តល់អនុសាសន៍របស់អ្នកនៅទីនេះ!!

ប្រភពៈ harveker.com